बागलुङ मंसिर २६
नेकपा माओवादी केन्द्र, नेकपा एससहित विभिन्न कम्युनिष्ट घटक मिलेर बनेको नेपाली कम्युनिष्ट पार्टी (नेकपा) ले मंसिर २७ गते बागलुङमा एकता सभा गर्ने भएको छ ।
एकता सन्देश सहितको प्रदेशमा सभा गरेको नेकपाले विभिन्न जिल्लामा पनि सभा गरिरहेको छ । एकताको सन्देश प्रवाह गर्ने उद्देश्य सहित सभा सदरमुकाम बागलुङ बजारमा गर्न लागिएको पूर्व नेकपा (माओवादी केन्द्र) का जिल्ला संयोजक प्रकाश घर्ती मगरले जानकारी दिनुभयो ।
सभालाई सम्बोधन गर्न नेपाली कम्युनिष्ट पार्टीका नेता पम्फा भुसाल, देवेन्द्र पौडेल, दिल कुमारी पन्त लगायतका नेताले सम्बोधन गर्ने घर्तीको भनाई छ । कार्यक्रममा जनवादी कलाकार झंकार बुढा तथा सामना परिवारको सांङ्गीतिक प्रस्तुति रहने बताईएको छ ।
जिल्ला भरबाट करिब एक हजार बढी नेता कार्यकर्ता सहित बागलुङ बजारको लोकतान्त्रिक चोकमा कार्यक्रम गर्ने घर्तीले उल्लेख गर्नुभयो । नेकपाले मंसिर १२ गते सुदुपश्चिमको धनगढीबाट सुरु भएकाे एकता सभा लुम्बिनी, गण्डकी, कोशी, मधेस प्रदेशमा सम्पन्न गरी सकेको छ ।
Source:thamman thapa sandesh
