गुल्मीका दुई सयभन्दा बढी स्थान पहिरोको उच्च जोखिममा

गुल्मी, साउन १९ – जिल्लामा आइतबारदेखि लगातार भइरहेको वर्षाका कारण गुल्मीका धेरै क्षेत्रहरू पहिरो र बाढीको उच्च जोखिममा रहेका छन्।

जिल्ला प्रशासन कार्यालयका अनुसार करिब दुई सयभन्दा बढी स्थान पहिरोको सम्भावित जोखिममा परेका छन्।

जिल्ला प्रहरी कार्यालयले नागरिकहरूलाई सतर्क रहन, जोखिमयुक्त स्थानमा नबस्न र आवश्यक सावधानी अपनाउन अनुरोध गरेको छ।

वर्षाले सडकसमेत अवरुद्ध बनाएका छन्। केही स्थानमा सडक खुलाउने प्रयास भए पनि कतिपय ठाउँमा अझै आवागमन सम्भव नभएको जनाइएको छ।