आज डिसेम्बर २१ तारिख सन् २०२५ को सबैभन्दा छोटो दिन

आज सूर्यको प्रत्यक्ष किरण पृथ्वीको मकर रेखा माथि पर्ने दिन हो। यसका कारण उत्तरी गोलार्धमा दिनको अवधि वर्षकै सबैभन्दा छोटो र रातको अवधि सबैभन्दा लामो हुन्छ। यही समयबाट उत्तरी गोलार्धमा जाडो यामको प्रभाव बढी देखिन थाल्छ।
शीतकालीन अयनांत प्रायः डिसेम्बर २२ तारिखमा पर्ने भए पनि, पृथ्वीको घूर्णन र कक्षीय गतिका कारण केही वर्षहरूमा डिसेम्बर २१ तारिखमै पर्न सक्छ।
खगोल विज्ञानअनुसार मार्च २० वा २१ र सेप्टेम्बर २२ वा २३ का दिनहरूमा विषुव (Equinox) पर्छ, जब पृथ्वीमा दिन र रातको लम्बाइ लगभग बराबर हुन्छ।