काठमाडौं – नेपाली बजारमा सुनचाँदीको मूल्य बढ्ने क्रम अझै रोकिएको छैन। गत सोमबारदेखि निरन्तर उकालो लागिरहेको सुनचाँदीको भाउ आज अहिलेसम्मकै उच्च विन्दुमा पुगेको छ।
नेपाल सुनचाँदी व्यवसायी महासंघका अनुसार आज सुन तोलामा १ हजार ५ सय रुपैयाँले बढेर प्रतितोला २ लाख ७८ हजार रुपैयाँमा कारोबार भइरहेको छ। हिजो सुन प्रतितोला २ लाख ७६ हजार ५ सय रुपैयाँमा कारोबार भएको थियो।
त्यसैगरी, चाँदीको मूल्य पनि नयाँ रेकर्ड कायम भएको छ। आज चाँदी तोलामा एकैदिन ३ सय १५ रुपैयाँले बढेर प्रतितोला ५ हजार ६ सय ५५ रुपैयाँमा कारोबार भइरहेको महासंघले जनाएको छ। हिजो चाँदीको मूल्य प्रतितोला ५ हजार ३ सय ४० रुपैयाँ थियो।
अन्तर्राष्ट्रिय बजारको प्रभाव, लगानीकर्ताको बढ्दो आकर्षण तथा स्थानीय मागका कारण सुनचाँदीको मूल्य निरन्तर बढिरहेको व्यवसायीहरूको भनाइ छ।
