निर्वाचन आयोगले नेपाली कांग्रेसको विशेष महाधिवेशनलाई मान्यता

निर्वाचन आयोगले नेपाली कांग्रेसको विशेष महाधिवेशनलाई मान्यता दिएको छ। शुक्रबार बसेको आयोगको बैठकले उक्त विशेष महाधिवेशनलाई पार्टीको विधान र प्रचलित कानूनअनुसार भएको ठहर गर्दै त्यहाँबाट चयन भएका पदाधिकारीहरूको विवरण अद्यावधिक गर्ने निर्णय गरेको हो।
आयोगको यो निर्णयसँगै विशेष महाधिवेशनबाट भएका निर्णयहरू कार्यान्वयनमा जाने भएका छन्। यसअघि विशेष महाधिवेशनलाई मान्यता दिन नहुने भन्दै पार्टीभित्रको एक पक्षले उठाएको आपत्तिलाई आयोगले स्वीकार नगरेको देखिन्छ।
निर्वाचन आयोगको निर्णयपछि पार्टीको संगठनात्मक संरचना र कार्यसमितिसम्बन्धी विषयमा नयाँ व्यवस्था लागू हुने भएको छ। तर, आयोगको निर्णयप्रति असन्तुष्ट पक्षले कानूनी उपचारका लागि सर्वोच्च अदालत जान सक्ने बाटो खुला रहेको छ।