उच्च मूल्यपछि सुनको भाउ ओरालो, चाँदी पनि सस्तो

अघिल्लो दिन हालसम्मकै उच्च मूल्यमा पुगेको सुनको भाउ बिहीबार घटेको छ। नेपाल सुनचाँदी व्यवसायी महासंघका अनुसार बिहीबार सुनको मूल्य प्रतितोला २ हजार ९ सय रुपैयाँले घट्दै २ लाख ९२ हजार २ सय रुपैयाँ कायम भएको छ।
यसअघि बुधबार सुन प्रतितोला २ लाख ९५ हजार १ सय रुपैयाँमा कारोबार भएको थियो। अन्तर्राष्ट्रिय बजारमा सुनको मूल्यमा आएको सामान्य गिरावटको प्रभावस्वरूप स्वदेशी बजारमा पनि मूल्य समायोजन गरिएको महासंघले जनाएको छ।
अन्तर्राष्ट्रिय बजारमा हाल सुनको मूल्य प्रतिऔंस करिब ४ हजार ८ सय अमेरिकी डलर रहेको छ।
यसैगरी चाँदीको मूल्य पनि घटेको छ। अघिल्लो दिनको तुलनामा चाँदी प्रतितोला ५० रुपैयाँले घट्दै बिहीबार ५ हजार ८७० रुपैयाँमा कारोबार भइरहेको छ। बुधबार चाँदी प्रतितोला ५ हजार ९२० रुपैयाँमा कारोबार भएको थियो।