गलकोट नगरपालिकाले नगरभित्रका गोदी र दस्मखोलामा माछा मार्ने कार्य पूर्णरूपमा निषेध गर्ने निर्णय गरेको छ । प्राकृतिक स्रोतसाधनको संरक्षण र दीगो उपयोगका लागि नगरपालिकाले यस्तो कदम चालिएको जनाएको हो ।
नगरपालिकाका अनुसार असोज १ गतेदेखि मङ्सिर मसान्तसम्म गोदी र दस्मखोलामा माछा मार्न पूर्ण प्रतिबन्ध लागू हुनेछ । सो क्षेत्रमा पाइने करिब १४ प्रजातिका माछा तथा झण्डै ८ लाख जीवात्मा संरक्षणका दृष्टिले संवेदनशील भएकाले यो अवधि विशेष महत्वको रहेको नगरपालिकाले जनाएको छ ।
नगरपालिकाका जलचर अनुसन्धान अधिकूत चिन्तामणि शर्माले भने, “गोदी र दस्मखोलामा माछा मार्ने कार्य तत्काल रोक्नुपर्छ । यो प्राकृतिक सम्पदा मात्र नभई जैविक विविधता संरक्षणको विषय हो । असोज १ गतेदेखि मङ्सिर मसान्तसम्म पूर्णरूपमा माछा मार्न प्रतिबन्ध लागू हुनेछ, अवज्ञा गर्नेहरूमाथि कानूनी कारबाही हुन्छ,” भन्नुभयो ।
नगरपालिकाले वातावरण संरक्षण, जैविक विविधता र प्राकृतिक सम्पदाको दीगो उपयोगमा सबै सरोकारवालाको सक्रिय सहभागिता आवश्यक रहेको जनाएको छ ।
