सुन १ हजारले महँगियो, चाँदीले बनायो नयाँ रेकर्ड

काठमाडौं — नेपाली बजारमा बिहीबार सुनको भाउ फेरि बढेको छ। नेपाल सुनचाँदी व्यवसायी महासंघका अनुसार आज छापावाल सुन प्रतितोला १ हजार रुपैयाँले बढेर २ लाख ५३ हजार १ सय रुपैयाँ पुगेको छ। हिजो यसको मूल्य २ लाख ५२ हजार १ सय रुपैयाँ थियो।

यसअघि असोज ३१ गते सुन प्रतितोला २ लाख ५८ हजार रुपैयाँ पुगेको थियो, जुन हालसम्मकै उच्च मूल्य हो।

चाँदीको मूल्यले पनि नयाँ उचाइ छोएको छ। बिहीबार प्रतितोला ३ हजार ८०५ रुपैयाँ मा कारोबार भएको चाँदी अहिलेसम्मकै सबैभन्दा महँगो बनेको छ। अघिल्लो दिनको तुलनामा चाँदी ५५ रुपैयाँले बढेको हो। बुधबार चाँदी प्रतितोला ३ हजार ७५० रुपैयाँ मा कारोबार भएको थियो।

बजार विश्लेषकहरूका अनुसार अन्तर्राष्ट्रिय बजारमा उतार–चढाव बढ्न थालेपछि नेपालमा पनि सुनचाँदीको मूल्यमा तीव्र परिवर्तन देखिन थालेको हो।